Esperanto (Poezio) - De la Dachstein-mont... - (Stiria popolkanto - Aŭstria)

De la Dachstein-mont...

De la Dachstein-mont' - alta aglo-tron'
Ĝis la Venda land' ĉe bord' de l' Sav',
De la Mürz-torent' en alpejkanton'
Ĝis la vinberlando ĉe la Drav':

          [: Ĉi belega land', la Stiria land'
          Estas mia kara hejma land'! :]

Kie saltas ĉam' sur la roka mur',
Grimpas la ĉasisto en arbar',
Kie paŝtistin' jodlas pro plezur'
En ĉieltuŝanta altmontar':

          [: Ĉi belega land', la Stiria land'
          Estas mia kara hejma land'! :]

Kie per labor', fajro kaj martel'
Feron gajnas hom' el sankta ter',
Kie abiar' kreskas al ĉiel'
Kaj eĉ spitas al venteg-koler':

          [: Ĉi belega land', la Stiria land'
          Estas mia kara hejma land'! :]

Kie la fidel' de germana gent', -
Kredo, virto kaj la vira glor' -
Sur knabina vang' la hontema sent',
Ĉiam restas la mastrin-fervor':

          [: Ĉi belega land', la Stiria land'

          Estas mia kara hejma land'! :]