Variaj efikoj de la amo
Kuraĝi, sveni, iĝi
furioza,
kruda, karesa, fuĝa kaj naiva,
vivriska, agonia, morta,
viva,
lojala, fia, tima, danĝer-kroza;
sin trovi for de ŝi sen lok’ ripoza,
aperi gaja, ombra, simpla,
aktiva,
aŭdaca kaj enua kaj pasiva,
kontenta, ofendita,
jaluz-poza;
kaŝi de l’ ama senreviĝ’ vizaĝon,
trovi, ke dolĉas trink’, kiu venenas,
pri gajn’ forgesi, ŝati la domaĝon;
kredi, ke la infer’ ĉielon tenas,
animon, vivon doni en trompajon:
jen am’; nur kiu provis, ĝin komprenas.
No hay comentarios:
Publicar un comentario