viernes, 15 de noviembre de 2013

Esperanto (Poezio) - Forlasis min kara knabino - Niŝimura Masao

Forlasis min kara knabino

Subite vi por ni aperas
en nian stagnantan medion,
kometo ardanta kaj hela,

kaj kiam vi supre fajreras,
al astronomio pasion
vi vekas, estaĵo ĉiela.

Planedoj vin vane konkuras,
vi estas al ili supera
en brilo, mirindo kaj gloro:

Vi venas, brilegas kaj kuras
sur via orbito mistera
en mondon trans nia esploro.

Vi kuras jam fore; la homo
kaprice vin baldaŭ forgesas,
rigardas al ter’ kun miopo;

maldorme nun mi, astronomo,
vin sekvi, admiri ne ĉesas
tra l’ rosa okul-teleskopo.

No hay comentarios: