domingo, 23 de febrero de 2014

Esperanto (Poezio) – Tri poemoj – Janis Trimda

Sur vitro nigra papili’

Sur vitro nigra papili’
dum tuta tago palpe iras,
dum ĝin ekstere blanklili’
senĉese vokas kaj sopiras.
Jam hejmen vokas birda kri’,
stelaro pri vespero diras;
sed sur la vitro papili’
dum tuta tago palpe iras.


Arbo kun nigra foliaro

Kun folioj nigraj kreskas
stranga arb’ el koro mia,
kaj, ĉu jesas mi aŭ neas,
sangon sorbas korpo ĝia.
Kaj en la branĉaro nigra,
kiu jam ĉielon boras,
dum la vivo, ne velkante
mia trist’ arome floras.


Frambteo

Frambteo estis surtable,
ĉe l’ tablo – ni du kaj la ĝoj’.
Alvenis vespero afable
laŭ mola, silenta neĝvoj’.
Kaj estis senlime agrable,
kaj milde nin tuŝis la ĝoj’.
Frambteo estis surtable,
ekstere – silenta neĝvoj’.

No hay comentarios: